Renovación da Xunta Directiva

Despois de dous anos, este pasado mes de marzo tocou renovación da Xunta Directiva da asociación. Na asemblea celebrada só se presentou unha candidatura que foi aprobada polos socios quedando conformada a nova xunta directiva como segue:

  • Presidente: Roberto Vieito Raña
  • Secretario: Pablo Sanxiao Roca
  • Tesoureiro: Francisco Puga Alonso
  • Vogal: Juan Ignacio Varela García

A nova xunta será a encargada de potenciar as actividades de difusión en prol do Software Libre que como cada ano se realizan dende a asociación. Para este ano estase xa a definir o programa das mesmas que terán por unha banda un carácter continuista, apostando pola celebración dunha edición máis da OSHWDem, tamén da GeocampES, as charlas sobre Software Libre e OpenStreetMap en institutos de ensinanza de Galicia ou a difusión de exemplares dos libros publicados pola asociación ata o momento.

Pero ademais, este ano estase a dar forma a novas actividades que se desvelarán moi pronto pero que podemos adiantar que terán que ver con Python, buscando colaboracións con novas organizacións e tamén cos tan de moda drons, tentando de analizar novas posibilidades que estos aparellos poden ofrecer para compartir información.

facebooktwittergoogle_plusmail

Nova web do libro Máster Software Libre en Galicia, Ano II

libro-mswl2Publicamos unha nova páxina web adicada ao libro Máster Software Libre en Galicia, Ano II, libro, que editamos dende a Asociación GHANDALF fai xa uns anos, e que recolle os traballos fin de mestrado dos alumnos da segunda edición do Máster de Software Libre, traducidos ao galego.

Dende GHANDALF, cremos na importancia da difusión do Software Libre, así como na importancia de dispoñer de documentación en galego que achegue esta o coñecemento aberto á nosa terra. Por iso, dende o principio, unha das nosas principais actividades foi a da edición de libros sobre Software Libre na nosa lingua, comenzado pola tradución dun libro de referencia como foi Creando Software Libre, de Karl Fogel, e as ata o de agora dúas publicacións dos traballos da primeira e segunda edición do Máster.

Nesta nova páxina web pódese atopar un pouco de historia do libro, quen participou, os prólogos e epílogos que diferentes entidades nos fixeron para o mesmo, e o máis importante, os enlaces para a súa descarga, en formato libre e editable, xa que o mesmo se publica baixo licenza creative commons.

Para rematar, salientar que o desenvolvemento desta nova páxina web, de igual xeito que no seu momento a edición da versión impresa, foi posible grazas ao convenio de colaboración asinado coa AMTEGA para a difusión do Software Libre.

facebooktwittergoogle_plusmail

Hackathon Sanjurjo Badia

michogar no Hackathon Sanjurjo BadiaEste pasado fin de semana, tivo lugar en Vigo, o Hackathon Sanjurjo Badia, organizado por Eloy Coto e Jesús Sayar,  o evento reuniu a 80 persoas que estiveron a traballar durante os dous días que durou o mesmo. A idea deste hackathon era a de crear proxectos de Internet of Things (IoT) relacionados co mar. Agrupados por equipos nun ambiente de colaboración pero tamén de competición, os participantes contaban cunha placa UDOO Neo, un combinado de RaspberryPi, Arduino, sensores e conectividade, un kit moi completo que permite executar tanto GNU/Linux como Android.

Paralelamente á competición tiveron lugar diversos obradoiros sobre tecnoloxías libres que se foron celebrando durante todo o fin de semana, complementando o evento. Un destes obradoiros foi impartido polo noso compañeiro Micho García (@michogar), que impartiu unha sesión de introdución a PostgreSQL e ás súas capacidades espaciais coa extensión PostGIS.

Tamén estivo por alí outro dos nosos compañeiros, Fran Puga, participando nun dos equipos, aínda que finalmente non puido levarse a vitoria, que recaeu no equipo do proxecto iNasa, que busca crear una nasa intelixente coa que optimizar esta arte de pesca.

Sanjurjo Badía

Quen pon nome a este Hackathon, foi un ilustre inventor galego que viviu en Vigo e que tivo unha grande relación co mar. Emigrante en Cuba, montou en Vigo primeiro uns talleres e despois uns estaleiros, famosos polas súas innovacións. Entre os seus inventos destaca un submarino que en 1898 foi capaz de aguantar hora e media mergullado, con vistas a ser empregado na guerra contra a flota estadounidense, pero finalmente non foi empregado ao firmarse o tratado de paz entre ambos países.

facebooktwittergoogle_plusmail

10 anos de Arduino. Arduino Day 2014

O 29 de Marzo celébrase a nivel global un evento de celebración dos 10 anos de Arduino, plataforma de Hardware Libre creada para facilitar a creación de proxectos interactivos.

A asociación makers.lugo, da que forman parte algúns membros de Ghandalf, uníndose ás celebracións globais do Arduino Day 2014 #ArduinoD14 organiza un evento aberto e para tódolos públicos, que terá lugar na Casa da Xuventude, Rúa Xesús Bal e Gay, a mañá do sábado 29 de Marzo, de 10:30 a 13:30.

Ó longo da mañá, membros das asociacións makers.lugo e Bricolabs, estarán dispoñibles para resolver dúbidas para quen desexe introducirse no mundo de Arduino, axudar a aqueles que desexen empezar a facer proxectos. Tamén haberá un espacio onde tódolos participantes poderán amosar os seus proxectos realizados con Arduino.

Máis información:
• Arduino – http://arduino.cc/
• #ArduinoD14 – http://day.arduino.cc/
• Asociación makers.lugo – http://makerslugo.odiseus.org/
• Asociación Bricolabs – http://bricolabs.cc/
• Información sobre o evento en Galicia, Lugo – http://makerslugo.odiseus.org/evento/10-anos-de-arduino/

facebooktwittergoogle_plusmail

Os vindeiros 30 de novembro e 1 de decembro vaise celebrar na Ágora da Coruña a segunda edición da OSHWDEM, xornada aberta e demostrativa sobre Open Source Hardware, onde poderás atopar robots, impresoras 3D e electrónica para todos os públicos

  • É un evento aberto e gratuíto de carácter tecnolóxico cun formato innovador e participativo, centrado no Open Source Hardware (Hardware Libre)
  • Dá continuidade ás edicións anteriores, que foron todo un éxito de público, e a
    eventos similares celebrados ao longo de toda España
  • Promovida pola Asociación GHANDALF, e organizada pola asociación BricoLabs,
    na edición 2013 ampliamos tanto os contidos do evento como o aforo e maila
    duración do mesmo

Se estás interesado no Open Source Hardware, en Arduino, nas impresoras 3D, en escáneres de obxectos reais, na montaxe de circuítos electrónicos, nos robots, arte dixital, software libre embebido, electrónica en xeral, etc. tes unha cita ineludible os vindeiros 30 de novembro e 1 de Decembro no Centro Cultural Ágora da Coruña.

Como a edición pasada da OSHWDEM foi todo un éxito, recibindo máis do dobre de asistentes dos esperados e obrigando a pechar as inscricións antes do previsto para non superar o aforo do local, este ano ampliamos tanto os contidos do evento como o aforo dispoñible e maila duración do mesmo.

Na OSHWDEM imos combinar charlas divulgativas con espazos demostrativos, abordando diferentes temáticas relacionadas co Hardware Libre: impresoras 3D, Raspberry Pi, Arduino, montaxe de circuítos electrónicos, arte dixital, deseño 3D con ferramentas libres, robótica, etc. Tamén faremos obradoiros de montaxe de circuítos electrónicos e deseño 3D, para que os asistentes poidades meter as mans na masa.

Continue reading Os vindeiros 30 de novembro e 1 de decembro vaise celebrar na Ágora da Coruña a segunda edición da OSHWDEM, xornada aberta e demostrativa sobre Open Source Hardware, onde poderás atopar robots, impresoras 3D e electrónica para todos os públicos

facebooktwittergoogle_plusmail