Resumo do DronDay

O pasado mes de Xuño, Ghandalf e Xeoinquedos organizamos o primeiro DronDay en Galicia, onde contamos coa axuda da xente do proxecto proxecto DroneMapZ, quenes viñeron dende Zaragoza para amosarnos a súa experiencia no uso de drons para mapeado.

DCgi2ZuWAAAjc5j.jpg:large

Imaxe: Mostrando os aparellos aos asistentes

A xornada empezou pola maña para facer unha demostración de voo con dous drons diferentes, un modelo comercial e un modelo maker, construído a partires dun placa ArduPilot, de hardware libre. Con ambos aparatos fixéronse vairos voos en dúas ubicacións diferentes nos arredores de Vigo, facendo tanto voos manuais como automáticos, programando os drons para sacar fotografías dunha área determinada, que posteriormente se ían empregar para xerar imaxes xeorreferenciadas coas que poder editar diferentes elementos en OpenStreetMap.

Imaxe: Procesando imaxes con WebODM

Xa pola tarde, e grazas á colaboración de Kaleido que nos deixou as súas instalacións, fíxose un taller no que se mostrou aos asistentes como procesar as fotografías tomadas cos drons para conseguir con elas imaxes xeoreferenciadas. Este proceso realizouse coa ferramenta de software libre WebODM, un proxecto que permite xerar tanto imaxes 2D xeoreferenciadas, como modelos 3D con nubes de puntos.

Un dos obxectivos a acadar era mediante esta aplicación conseguir xerar imaxes que puidesen ser cargadas no proxecto OpenStreetMap para sobre elas, editar o proxecto engadindo información xeográfica dos elementos que se fotografiaron cos drons. Desta maneira, empregando un dron pódense obter imaxes actualizadas para crear cartografía libre e non depender das fotografías por satélite das grandes compañías e dos seus fluxos de actualización.

Imaxe: Imaxe xeoreferenciada con WebODM lista para editar en OSM

Finalmente, este obxectivo foi acadado con éxito, e os asistentes puideron rematar o obradoiro cargando as imaxes dos voos da maña nas súas contas de OpenStreetMap, listas para poder editar sobre elas. En breve publicaremos con licenza libre tanto as imaxes obtidas nos voos como os resultados procesados con WebODM, permanecede atentos.

Por último queremos agradecer especialmente a Fran e Xosé Luis por vir ata Galicia a compartir parte do seu coñecemento nesta materia e a AMTEGA por financiar esta actividade ao abeiro do Convenio para a Difusión do Software Libre en Galicia asinado coas Asociacións Galegas de Usuarios de Software Libre.

Facebooktwittergoogle_plusmail

DronDay, un día para aprender todo sobre drons

Dende fai un tempo na Asociación estamos a investigar sobre as posibilidades de uso de drons e software libre para obter imaxes aéreas que poidan servir como cartografía base para certos proxectos e ser empregadas xunto con OpenStreetMap. Para iso contamos coa colaboración de Xeoinquedos e xuntos estivemos a explorar varias opcións ata que contactamos coa xente do proxecto DroneMapZ de Zaragoza, quenes levaban xa tempo explorando tamén esta vía.

Froito destes contactos o vindeiro sábado 17 de Xuño organizamos en Vigo unha xornada que denominamos DronDay, onde grazas a Fran e Xosé Luis faremos unha introdución a todas estas tecnoloxías aberta ao público. Pola maña faremos varios voos con diferentes drons para ver como se poden obter imaxes aéreas dunha zona, e despois, xa pola tarde veremos como procesar todas esas imaxes, con software libre, para poder empregalas como base en OpenStreetMap, dispoñendo así de información sobre a que xerar nova cartografía coas ferramentas de OSM.

Na páxina web que fixemos para o evento podedes atopar toda a información en detalle, así como a ligazón para inscribirse no mesmo, xa que polas características da xornada temos prazas limitadas.

Esta actividade forma parte das que dende a Asociación Ghandalf facemos en colaboración coa AMTEGA, a través do convenio que asinamos para a difusión do software libre en Galicia.

Facebooktwittergoogle_plusmail

A OSHWDem 2016 acada cifras récord

Asistencia na OSHWDemEsta pasada fin de semana celebrouse unha nova edición da OSHWDem, que bateu tódolos récords en canto a asistencia e participación.

  • Un total de 2150 asistentes.
  • 43 proxectos diferentes expostos na feira
  • makerspaces de toda Galicia: Recuncho Maker, Makers Lugo, Pontemaker, Clou Wars, Tropa Korriban…
  • máis de 100 makers na exposición contando a todo o persoal dos distintos proxectos e charlas

Unhas cifras que fan deste evento un dos máis importantes na escena maker e que fala do bo traballo que está a desenvolver BricoLabs, artífice principal da organización coa axuda de GHANDALF.

E a pesar de que o evento principal se celebrase na fin de semana, aínda quedan pendentes varios talleres que se celebrarán nos próximos días e cuxa inscrición abrirase hoxe luns a partir das 20:00 horas.

Para GHANDALF é un pracer ver como un evento que impulsamos dende os seus inicios, cando era so unha idea que latexaba na cabeza dun dos nosos socios se converteu xa en todo un referente anual para a cada vez máis numerosa comunidade maker.

Un ano máis a colaboración de GHANDALF na organización da OSHWDem está enmarcada dentro da actividades que esta asociación vén realizando ao abeiro do Convenio para a Difusión do Software Libre asinado coa AMTEGA.

 

Facebooktwittergoogle_plusmail

GHANDALF na GeocampES 2016 en Barcelona

Público na GeocampE xa van 4… Vigo, A Coruña, Sevilla e este ano Barcelona.

Este pasado fin de semana varios membros de Ghandalf participaron na GeocampES que tivo lugar en Barcelona. Esta foi a cuarta edición dun evento que naceu impulsado por Ghandalf e o grupo de Xeoinquedos galego, e que entre todos os grupos de xeoinquedos nacionais tomou forma de evento nacional, converténdose no evento de referencia para estes. Despois das primeiras edicións galegas en Vigo e A Coruña o ano pasado excedeu as fronteiras celebrándose en Sevilla, este ano en Barcelona, e xa se fala da próxima GeocampES 2017 en Almería.

A GeocampES é unha xeo-desconferencia, un evento no que todos os participantes toman un papel máis activo dentro da creación do mesmo. Ten a súa orixe no concepto de Barcamp. É un día para o intercambio de experiencias, coñecementos e valores en torno a todo aquelo que ten que ver co XEO e o non tan XEO, pero sempre arredor do software libre.

Poñentes da GeocampESEste ano houbo un total de 12 charlas temáticas nas que se falou de CARTO, o proxecto de moda para a visualización de datos a través de mapas e que está a virar cara o mundo da Location Intelligence, con clientes en todo o mundo. Falouse do proxecto MissingMaps, orientado á axuda humanitaria e relacionado con OpenStreetMap, do que tamén se falou. Presentouse o proxecto What3Words, que permite a xeocodificación en lugares que non teñen definido un sistema de direccións postais e presentáronse tamén as novidades do proxecto Mapillary, unha alternativa a Google Stretview con fotos colaborativas. Mesmo houbo tempo tamén para a presentación do libro libre sobre Sistemas de Información Xeográfica de Víctor Olaya.

Vémonos o próximo ano en Almería.

Foto de grupo da GeocampES

Facebooktwittergoogle_plusmail

PyDay Galicia 2016

logo_minimalEl grupo de Python Vigo en colaboración con la asociación de Software Libre Ghandalf organizan el Sábado, 17 de Septiembre en Vigo, el PyDay Galicia 2016.

El PyDay es un evento impulsado por la Asociación Python España para dar visibilidad a las comunidades locales de Python y dar a conocer este lenguaje libre de programación a través de charlas, talleres, meetups y dojos. Habrá muchos PyDays que se celebrarán en la semana del 12 al 18 de septiembre en toda la geografía española.

El evento principal del PyDay Galicia serán una serie de charlas aptas para todos los niveles y de temáticas variadas, desde 12factorApps hasta el uso de python en entornos científicos. Las charlas tendrán lugar en el espacio de Kaleido Coworking  (García Barbón 27 Interior bajo). La asistencia es gratuita pero requiere inscripción previa dado que el número de asistentes está limitado.

Es posible que durante esa semana se celebren talleres de django u otras actividades relacionadas con python que serán anunciadas a través de twitter y la página web de Python Vigo.

La organización del evento no hubiera sido posible sin la financiación de la Xunta de Galicia a través del convenido de la AMTEGA para la difusión del Software Libre y el patrocinio de la empresa Initios.

 

Facebooktwittergoogle_plusmail